Dzathenga wakathi nikasumurira na madiwani, hukarekezana na kudzigidzyana dzulu ya miradhi ya maenderero ya kila Wodi ya Kilifi ienderezwayo hadhi kufikira vivi, na ni miradhi hiyo mingine hunafaha kuyika tanga mbere pkwa kila wodi pkwenye bajeti ya kudzaragizira.
Kidza, dzalagiza wizara husika ya mapeni, kumboza mapeni ga basari pkwa MCAs pkwa wakathi mudzo, ili ahoho mauyaho sukuli, makale marifirwa mapeni gao. Kanda na gago, kufikira mwisho wa dzuma riri, thongoryi aa mandaanza kugazha mbeyu na mbolea ya bule kwa akurima ehu, ili hukadime kuzhalisha chakurya cha kuthosha mindani mwehu musimu uu wa mvula ya mwaka.
