Safari ya kuwakomboa vijana wetu walioangamia kwa utumuzi wa muguka bado inaendelea na leo tumeweza kunasa muguka katikati mwa mji wa Kilifi na Malindi. Shukran za dhati kwa maafisa wetu kwa kuendelea kushika doria katika kila kona na kuhakikisha kwamba tunalinda viongozi wetu wa kesho.
Kwa wana Kilifi, jinsi mnavyoshirikiana nasi kwa ukaribu katika swala hili, ni dhahiri shahiri kwamba, wananchi wa Kilifi wamechoka kuona vijana wao wakiangamia, wanachotaka ni kuwanasua katika janga hili na kwa hakika, endapo tutaendelea kutembea pamoja, tutamaliza janga hili Kilifi na kurudisha heshima kwa vijana wetu.
